唔夠力

honey上個月去了一個camp, 於是我同幾個oikos group和隔離組的弟兄姊妹去行夜市。

bon bon給我們每人買了一串魚肉燒賣，我第一次一個人分到一整串六粒燒賣！雖然好感動，但原來一串六粒燒賣是好重的！要靠腕力用兩隻手指平衡整串燒賣，再傾斜遞入口中，咬實一粒，再用腕力經兩隻手指把竹簽取出。

這個對於我來說是奧運單槓項目，經思想預演一次後，我決定借用發泡膠碟，以免跌哂落地。

妹妹好疑惑咁問點解，我話：因為我唔夠力呀~~~

各人都呆一呆-_-'''，我回家告訴honey，他笑到個衰樣：


無法啦！平日都是honey負責分拆，拿住成碟，我負責吃，最多都係吉住一兩粒之嘛...

honey你真係好重要㗎！！！！

需要

m: 你幫我做咗咩未呀？
w: 哎呀，未呀...
m: 你記唔記得帶咩俾我呀？
w: 哎呀，唔記得呀...
m: 咁你有什麼是記得㗎？
w: 我記得我好愛你囉
m: 你愛我但係唔知道我的需要是無用㗎！
w: 我知道你最需要係我囉！heehee...
m: -_-'''

扮野王

honey的長處之一，就是扮個樣似個樣。我叫他望住右面，就用手機內的template拍了這張唯肖唯妙的照片：

小毛 — 足球小將

honey上個星期穿了件球衣加短褲，我一望見他忍不住大叫：足球小將！

我見到有條毛在他白雪雪t-shirt的肚皮上，正想伸手幫他拿走，但想起上次的意外，還是問下先。

m: 咦？呢條係...

點知honey一縮肚，小毛就縮入衫內消失了。

原來件運動衫的透氣孔太大，小毛就好像一條天線，可以豎出來，收得好Ｄ。

小毛的誤會

honey的毛毛特別旺盛，在一些unexpected的地方也會有毛毛的踪跡。

我見到有條小毛在膊頭上，以為是honey掉下來的頭髮，順手拿走它，點知...

w(慘叫): 哎呀！那是我的毛！唔好扯呀~~~

下次都係問清楚，以免造成不必要的傷害。

放手

近日油價高企，honey想換輛慳油的車，於是帶了我去試scooter.

我不懂得踏單車。
去平衡自己身體加上盛載我的工具更是我的弱點。
要相信別人有能力幫我去平衡，就好似要我把自己的生命，讓別人來操控。

以前一直幻想著，期待著坐在電單車後坐，攬住心愛的人的腰，在公路上風馳電掣，好似拍電影咁，好浪漫啊！

誰知，一坐上去，才發現，係喎，無安全帶的。我唯一可以做的，就係用雙手圍住honey條腰再十指緊扣。

當我嘗試做這個動作，從未想過帶了頭盔之後，我們的距離會遠咗。我伸長對手只夠我捉實前面的honey條士啤駄。

honey好快就在公路上風馳電掣，每轉一個彎，我就緊閉雙眼，鍊實點個「扶手」。

終於試完，基本上我對腳係痺咗，honey條腰差點瘀咗。

w: 其實你可以捉實我條腰...帶
m: 我好驚加埋我的重量會令到我地跌落地下
w: 我會控制到嘛, 我識揸㗎！

我想我還要繼續學習相信，學習放手。