頭暈要食蕉

honey一上車便拿了蕉來吃。
m: 為什麼吃蕉？肚餓嗎？
w: 唔係，係頭暈。
m: 吓？搬完行李上車後就頭暈？(身體不是這麼虛弱罷!?)
w: 你無聽過：「頭暈去看醫生，醫生叫食蕉...」咩？ (林子祥的金曲)
m: 爛gag......

奬賞

w: 嘩老婆好乖洗了屋企的廁所，想老公點奬你呀？
m: 你摺咗Ｄ衫啦！
w: 我意思係，你想老公幫你做Ｄ咩呀？
m: 幫我摺咗Ｄ衫啦！
w: 唔係呀，奬勵你呀，例如老公煮嘢俾你食啦，幫你按摩啦，咁樣呀！
m: 啊...咁你幫我摺咗Ｄ衫，然後幫我按摩...
w: 無呀，只可以揀一樣咋！

荷蘭豆

w: 文文呀，點解你煮荷蘭豆好似斗叔煮冬菇咁嘅？
m: 什麼意思？
w: 斗叔煮冬菇唔剪「頂」等你食完吐出來。你煮荷蘭豆唔搣「衣」等我吐出來。
m: 我有搣呀！搣唔凈咋...不過，既然你會吐出來，我以後便不用搣了？
w: ...

廚藝精湛

m: 老公，我煮了窩蛋給你吃
w: 嘩！老婆的廚藝越來越「湛精」
m: ... 老公呀，廚藝是「精湛」，不是「湛精」。你講到好似賤精咁.....
w: 係咩？呵呵！